केंद्रीय गृहमंत्री अमित शहा यांचे सपत्नीक त्रंबकेश्वरांचे दर्शन

त्र्यंबकेश्वर २४जाने :- केंद्रीय गृहमंत्री अमित शहा यांनी आज सपत्नीक त्र्यंबक राजाचे दर्शन घेतले. यावेळी विधिवत पौराहित्य करुन पूजा केली. यावेळी उपमुख्यमंत्री एकनाथ शिंदे, केंद्रीयमंत्री मुरलीधर मोहळ, भाजप प्रदेशाध्यक्ष चंद्रशेखर बावनकुळे, मंत्री गिरीष महाजन, कृषीमंत्री माणिकराव कोकाटे, आ.हिरामण खोसकर आदी उपस्थित होते.

केंद्रीय गृहमंत्री अमित शहा आज त्र्यंबकेश्वर येथे दर्शनासाठी आले होते. यावेळी त्यांचे स्वागत देवस्थान ट्रस्टतर्फे करण्यात आले. प्रसंगी अमित शहा यांनी सपत्नीक संकल्प पूजा केली. पौरोहित्य मनोज थेटे यांच्यासह लक्ष्मीकांत थेटे यांनी केले. यावेळी मंत्रोपचाराने परिसरात धार्मिक वातावरण होते. यावेळी त्र्यंबकेश्वर देवस्थान ट्रस्टचे अध्यक्ष नितीन जिवने, विश्वस्त कैलाश घुले, रुपाली भुतडा, पुरुषोत्तम कडलग, सत्यप्रिय शुक्ल, स्वप्नील शेलार, प्रदीप तुंगार, श्रेया देवचक्के आदी उपस्थित होते.

प्रसंगी अमित शहा यांना देवस्थान विश्वस्त, ग्रामस्थांच्या वतीने विविध मागण्यांचे निवेदन देण्यात आले.