केटीएचएम महाविद्यालयात भूगोल महोत्सवाचे आयोजन

नाशिक :- (प्रतिनिधी समाधान शिरसाठ)मराठा विद्या प्रसारक समाजाचे केटीएचएम महाविद्यालयातील भूगोल विभाग व अंतर्गत गुणवत्ता सिद्धता कक्ष आयोजित १४ जानेवारी भूगोल दिनाचे औचित्य साधून आयोजन करण्यात आले. कार्यक्रमाची सुरुवात पृथ्वीगोल व सरस्वती पूजनाने झाली. कार्यक्रमाचे उद्घाटन मविप्रचे सरचिटणीस ॲड. नितीन ठाकरे, संचालक ॲड. संदीप गुळवे यांच्याहस्ते करण्यात आले. अध्यक्षस्थानी प्राचार्य डॉ.एस.एस.काळे, विभाग प्रमुख प्रा.डॉ.ज्ञानेश्वर पवार,उपप्राचार्य डॉ.नितीन गायकवाड ,डॉ.पी.व्ही.कोटमे, प्रा.डॉ. कल्पना अहीरे ,प्रा.डॉ. वसंत बोरस्ते,प्रा. सोमनाथ शिरसाठ , भूगोल महोत्सव समन्वयक प्रा.पी.व्ही.जाधव उपस्थित होते. 

कार्यक्रमाचे उद्घाटक सरचिटणीस ॲड. नितीन ठाकरे यांनी भूगोल विषयातील भूमितीशास्त्र आणि अधिक क्षेत्रीय विश्लेषण तंत्रे याद्वारे विद्यार्थ्यांमध्ये कौशल्य विकास व शाश्वत विकास अग्रक्रमाने होत असल्याचे प्रतिपादन केले. मानवी गरजा ,मर्यादित साधन संपत्ती आणि हवामान बदल या सर्वांचा मेळ घालण्याच्या दृष्टीने भूगोल शास्त्राचे महत्व अधोरेखित करून महाविद्यालयांमध्ये महिन्यातील एक दिवस 'नो व्हेईकल डे' साजरा करून शाश्वत विकासात प्रत्यक्ष कृतीद्वारे सहभागी होण्याचे आवाहन ॲड.ठाकरे यांनी केले.

कार्यक्रमाचे अध्यक्ष प्राचार्य डॉ.एस.एस.काळे यांनी महाविद्यालय व भूगोल विभागाद्वारे शाश्वत विकास बेस्ट प्रॅक्टिस अंतर्गत राबविण्यात येणारे विविध विद्यार्थी केंद्रित व सामाजिक उपक्रम याबद्दल माहिती देऊन शाश्वत विकासासाठी कटिबद्ध होण्याचे आवाहन केले. 

भूगोल विभाग प्रमुख प्रा.डॉ.ज्ञानेश्वर पवार यांनी १४ जानेवारी भूगोल दिन साजरा करण्यामागील शास्त्रीय कारण, भूगोलाचे बदललेले उपयोजित स्वरूप ,भूगोल महोत्सव स्पर्धा आयोजन, भूगोल अधिक क्षेत्रीय वितरण आणि शाश्वत विकास केंद्रीत राष्ट्रीय ई- पोस्टर स्पर्धा , मॅपथॉन स्पर्धा, जिओ फोटो स्पर्धा ,लेख स्पर्धा, घोषवाक्य स्पर्धा याबद्दल उद्देश स्पष्ट केले. यावेळी मान्यवरांच्या हस्ते विद्यार्थी हस्तलिखित लेख पुस्तक प्रकाशन सोहळा संपन्न झाला. यावेळी मान्यवरांच्या हस्ते शाश्वत विकास संकल्पनेतील बलून रॉकेट आकाशात सोडण्यात आले.

यावेळी मान्यवरांच्या हस्ते विविध स्पर्धांमधील यशस्वी विद्यार्थ्यांना गौरविण्यात आले.  

    *विविध स्पर्धांमधील यशस्वी विद्यार्थी -*

    *राष्ट्रीय पोस्टर्स स्पर्धेत प्रथम* - प्रवीण सोनवणे,द्वितीय- गौरी थेटे,तृतीय-सत्यवती गुंजाळ यांनी पटकावला. *राष्ट्रीय मॅपथॉन स्पर्धेत प्रथम* - उर्मिला राजपुरोहित,द्वितीय - सुजाता फडोळ व प्रियंका बोचरे, तृतीय- प्रवीण सोनवणे व गीतांजली ब्राह्मणकर यांनी प्राप्त केला. *राष्ट्रीय ई-फोटो* स्पर्धेत प्रथम - शुभम गव्हाणे , द्वितीय - श्रद्धा शिंदे ,तृतीय- हर्षल खारपडे चतुर्थ- सुतारेश्वर यांनी यश संपादन केले. हस्तलिखित लेख स्पर्धेत- पदवी गटात - प्रथम-अश्विनी पालवे,द्वितीय - चेतन बेंडकोळी, तृतीय- श्रद्धा ठाकरे,पदव्युत्तर गटात प्रथम-श्रद्धा शिंदे , द्वितीय- सिद्धी पगार, तृतीय- विशाल कुमावत यांनी पारितोषिक पटकावले. *घोषवाक्य स्पर्धेत* - किरण भोकरे,दिशा सोनवणे, रक्षा वाडेकर,कृष्णा खाडे,अबोली दामले, गणेश चौधरी, गायत्री बदादे,रसिका हांडोरे,अक्षदा आव्हाड या विद्यार्थ्यांनी यश संपादित केले.

  डॉ. राजेंद्र गुंजाळ, डॉ.भारत गडाख, डॉ.सतीश हांडगे, प्रा.विलास लवांड, डॉ.रवी मिश्रा,प्रा.सुजाता फडोळ,प्रा.कविता नवले,प्रा.माधुरी खर्जे व विविध स्पर्धा समन्वयक व गणेश खांडवे यांनी कार्यक्रम यशस्वीतेसाठी प्रयत्न केले. प्रा.माधुरी जाधव यांनी सूत्रसंचालन, प्रा. प्रभाकर जाधव यांनी आभार मानले.