त्र्यंबकेश्वर देवस्थानच्या वतीने तुळजाभवानी मातेला साडी चोळी अर्पण

तुळजाभवानी मातेस ज्योतिर्लिंग त्र्यंबकेश्वर देवस्थानच्या वतीने साडी चोळी अर्पण विडीओ बघण्यासाठी क्लिक करावे

आई श्री तुळजाभवानी मातेला श्री त्रंबकेश्वर देवस्थान ट्रस्ट तर्फे साडी-चोळी अर्पण

(प्रतिनीधी समाधान शिरसाठ)

तुळजापूर :- ज्योतिर्लिंग श्री क्षेत्र त्र्यंबकेश्वर देवस्थान ट्रस्टतर्फे महाराष्ट्रातील साडेतीन शक्तीपीठांना (तुळजापूर, कोल्हापूर, माहूर व सप्तशृंगी गड) भरजरी पैठणी महावस्त्र तसेच सवाष्ण वाण ओटी अर्पण करण्याचा निर्णय घेण्यात आला आहे. गत वर्षी प्रमाणे,दि.०३/१०/२०२५ रोजी तुळजापूर येथील श्री तुळजाभवानी मातेस भरजरी हार, गजरे, मंगळसूत्र, नथ,जोडावे, सुवाशिन वाण ओटी व पैठणी महावस्त्राची साडी-चोळी अर्पण  करण्यात आली.यावेळी त्र्यंबकेश्वर देवस्थान ट्रस्टचे विश्वस्त पुरुषोत्तम कडलग, विश्वस्त स्वप्निल शेलार,सपत्नीक उपस्थित होते.प्रसंगी तुळजाभवानी देवस्थान अधिकारी, कर्मचारी, पुजारीवर्ग तसेच मोठ्या संख्येने भाविक उपस्थित होते.देवस्थानतर्फे दरवर्षी शारदीय नवरात्र उत्सव व कोजागिरी पौर्णिमेनिमित्त साडी-चोळी अर्पण करण्याची परंपरा आहे.यावर्षीही हा विधी श्रद्धेने पार पडला.आई श्री तुळजाभवानी मातेस अर्पण केलेली साडी-चोळी आणि सुवासिनी वाण ओटी ही देवस्थानाच्या धार्मिक परंपरेचा एक महत्त्वाचा भाग असल्याचे विश्वस्त मंडळाने सांगितले.त्यानंतर कोजागिरी पौर्णिमेला कोल्हापूर येथील माता श्री महालक्ष्मी,माहूरची श्री रेणुका सप्तशृंगी गडावरील आई श्री सप्तशृंगी देवीस देखील ओटी अर्पण केली जाणार असल्याचे विश्वस्त पुरुषोत्तम कडलग, आणि विश्वस्त स्वप्निल शेलार, यांनी प्रसिद्धी प्रमुख न्यूज शी बोलताना सांगितले.या माध्यमातून आपल्या महाराष्ट्र राज्यात सुख-समृद्धी, आरोग्य व भाविक कल्याणासाठी प्रार्थना करण्यात येणार असून, ट्रस्टचे अध्यक्ष व विश्वस्त यांच्या मार्गदर्शनाखाली सुरू असलेल्या या धार्मिक उपक्रमामुळे भाविकांमध्ये उत्साहाचे वातावरण निर्माण झाले आहे.