मखमलाबाद विद्यालयातील विद्यार्थ्यांचे सकाळ चित्रकला स्पर्धेत उत्तुंग यश

मखमलाबाद :- मराठा विद्या प्रसारक समाजाचे श्री छत्रपती शिवाजी महाराज माध्यमिक व उच्च माध्यमिक विद्यालय,मखमलाबाद येथील विद्यार्थ्यांनी सकाळ चित्रकला स्पर्धेत उत्तुंग यश मिळविले.कु.हर्षल राजेश जाधव या विद्यार्थ्याचा नाशिक विभागात प्रथम क्रमांक आल्याबद्दल त्याला प्रमाणपत्र व ११००/- रु.चे रोख बक्षिस प्राप्त झाले.कु.ज्ञानेश्वरी शिवशंकर खेडकर हिचा पंचवटी केंद्रात द्वितीय क्रमांक आल्याबद्दल प्रमाणपत्र व ७५/- रु.रोख बक्षिस प्राप्त झाले.तसेच कु.मोनालिसा सोमनाथ त्रिभुवन हिचा उत्तेजनार्थ क्रमांक आल्याबद्दल प्रमाणपत्र प्राप्त झाले.या यशस्वी विद्यार्थ्यांना प्राचार्य संजय डेर्ले यांच्या शुभहस्ते बक्षिसे प्रदान करण्यात आली.याप्रसंगी व्यासपिठावर उपप्राचार्य राजेंद्र गाडे,ज्युनियर काॅलेज प्रमुख प्रा.उज्वला देशमुख,कलाशिक्षक सोमेश्वर मुळाणे,सुधीर तांबे उपस्थित होते.यशस्वी विद्यार्थ्यांना जेष्ठ कलाशिक्षक सोमेश्वर मुळाणे,सुधीर तांबे यांचे बहुमोल असे मार्गदर्शन लाभले.

या यशस्वी विद्यार्थ्यांंच्या उत्तुंग यशाबद्दल मविप्र संचालक रमेश पिंगळे,मविप्र शिक्षणाधिकारी डाॅ.भास्करराव ढोके,शिक्षणाधिकारी डाॅ.अशोकराव पिंगळे,अभिनव बाल विकास मंदिर शालेय समिती अध्यक्ष निवृत्ती महाले,कला व वाणिज्य महाविद्यालय समिती अध्यक्ष सुरेश पिंगळे,उच्च माध्यमिक शालेय समिती अध्यक्ष पंढरीनाथ पिंगळे,होरायझन स्कुल कमिटी अध्यक्ष शंकरराव पिंगळे,माजी विद्यार्थी संघाचे अध्यक्ष दिनकरराव पिंगळे,पालक शिक्षक संघाचे उपाध्यक्ष वाळु काकड,सर्व स्कुल कमिटी सदस्य,सभासद,ग्रामस्थ,प्राचार्य संजय डेर्ले,उपप्राचार्य राजेंद्र गाडे,पर्यवेक्षिका माधुरी थेटे,ज्युनियर काॅलेज प्रमुख प्रा. उज्वला देशमुख सर्व शिक्षकवृंद,शिक्षकेतर कर्मचारी व विद्यार्थी यांनी अभिनंदन केले.