मखमलाबाद विद्यालयात नविन विद्यार्थ्यांचे स्वागत व पाठ्यपुस्तके वाटप कार्यक्रम मोठ्या उत्साहात संपन्न

मखमलाबाद :- (प्रतिनिधी समाधान शिरसाठ) मराठा विद्या प्रसारक समाजाचे श्री छत्रपती शिवाजी महाराज माध्यमिक व उच्च माध्यमिक विद्यालय,मखमलाबाद येथे सन २०२३-२४ या शैक्षणिक वर्षासाठी नविन प्रवेश घेतलेल्या इयत्ता ५ वीच्या विद्यार्थ्यांचे औक्षण व गुलाबपुष्प देऊन स्वागत तसेच सर्व शिक्षा अभियानांतर्गत मोफत पाठ्यपुस्तके वाटपाचा कार्यक्रम मविप्र संचालक रमेश पिंगळे यांच्या शुभहस्ते मोठ्या उत्साहात संपन्न झाला.कार्यक्रमाचे प्रास्ताविक प्राचार्य संजय डेर्ले यांनी केले.त्यांनी शालेय गुणवत्ता व शिस्त या संदर्भात मार्गदर्शन करुन सर्व विद्यार्थ्यांना नविन शैक्षणिक वर्षासाठी शुभेच्छा दिल्या.संगीत शिक्षक तुकाराम तांबे यांच्या गीतमंचाने "पाटी न पुस्तक" हे स्वागतगीत सादर केले.मविप्र संचालक रमेश पिंगळे यांचे स्वागत प्राचार्य संजय डेर्ले यांनी केले.तसेच नवनियुक्त प्राचार्यांचे स्वागत संचालकांच्या शुभहस्ते करण्यात आले व त्यांनी विद्यार्थ्यांना नविन शैक्षणिक वर्षासाठी शुभेच्छा दिल्या.आज शाळेच्या शैक्षणिक वर्षाचा पहीलाच दिवस असल्यामुळे प्रवेशद्वारावर व शालेय परिसरात रांगोळ्या काढुन,फलकरेखाटन करुन सजावट करण्यात आली होती.सुत्रसंचलन जेष्ठ शिक्षिका वैशाली देवरे यांनी तर आभार प्रदर्शन पर्यवेक्षिका माधुरी थेटे यांनी केले.कार्यक्रमास सर्व शिक्षकवृंद,शिक्षकेतर कर्मचारी व विद्यार्थी उपस्थित होते.