जनता विद्यालयात हिंदी दिन साजरा

नाशिक :- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे आज दि. १५ रोजी हिंदी व अभियंता दिन साजरा करण्यात आला. डॉ. विश्वेश्वरय्या यांच्या जयंतीनिमित्त अभियंता दिन साजरा केला जातो. कार्यक्रमाच्या अध्यक्षस्थानी शाळेच्या मुख्याध्यापिका एस. डी. शिंदे होत्या. कार्यक्रमाची अध्यक्षांच्या हस्ते दीपप्रज्वलन व प्रतिमापूजन करून सुरूवात करण्यात आली.कु. तपस्या नारळे हिने हिंदी दिवसाविषयी वक्तृत्व केले.यानंतर शाळेत हिंदी दिनानिमित्त काव्यगायन स्पर्धेचे आयोजन करण्यात आले होते. त्यामध्ये श्रेया इंगळे - ८ वी ब, समृद्धी बोडके - ८ वी क , प्रसाद भालेकर - ९ वी अ , नयन गाडेकर - १० वी ब , ज्ञानेश्वरी कर्चे - १० वी क च्या विद्यार्थ्यांनी आपल्या कविता कार्यक्रमात सादर केल्या यानंतर ९ वी मधील कु. स्वराज मांदळे ह्याने युकेलेले (एक चारतारी छोटे तंतूवाद्य) चे उत्कृष्टरित्या सादरीकरण केले. कार्यक्रमाचे सूत्रसंचालन प्रसाद भालेकर ह्याने केले. कार्यक्रमाच्या आयोजनासाठी प्रसाद भालेकर, तपस्या नारळे, अनुष गोहिल , प्रिती जाधव, पायल राजपूत, गौरी जाधव इ. विद्यार्थ्यांनी मदत केली . याप्रसंगी शाळेच्या मुख्याध्यापिका शिंदे मॅडम,डोखळे मॅडम,आगळे मॅडम, पिंगळे मॅडम,ठाकरे मॅडम,गोवर्धने मॅडम आदींसह सर्व शिक्षिका व विद्यार्थी उपस्थित होते.