संत नामदेव महाराज जागतिक पुरस्कार केंद्रीय मंत्री नितीन गडकरी यांना प्रदान

नागपूर :- गडकरी यांनी संत नामदेव महाराजांचा वारसा पुढे नेऊन लोकांची मने जिंकली केंद्रीय रस्ते वाहतूक आणि महामार्ग मंत्री नितीन गडकरी यांना संत नामदेव महाराजांचा वारसा आणि सामाजिक एकतेचा त्यांचा संदेश पुढे नेल्याबद्दल 'संत नामदेव महाराज जागतिक पुरस्कार'नागपूर येथे प्रदान करण्यात आला.नागपूर शहरातील रेशमबाग मैदानावर आयोजित 'राष्ट्रीय एकता जागतिक परिषदे'दरम्यान त्यांना हा सन्मान प्रदान करण्यात आला.यावेळी गडकरी म्हणाले की,संत नामदेव महाराजांनी समाजातून विषमता दूर करून एकतेचा मार्ग दाखवला.त्यांच्या विचारांच्या प्रभावा मुळेच त्यांच्या शिकवणी शीख धर्माच्या पवित्र ग्रंथ 'गुरु ग्रंथ साहिब'मध्ये समाविष्ट आहेत.गडकरी यांनी पंजाब मधील घुमान आणि महाराष्ट्रातील नरसी गावातील त्यांचे अनुभव सांगितले आणि संतांबद्दल कृतज्ञता व्यक्त केली.

या कार्यक्रमाला संत नामदेव महाराजांचे १७ वे वंशज विठ्ठल महाराज,देवनाथ मठाचे प्रमुख जितेंद्रनाथ महाराज,सतपाल महाराज,प्रसिद्ध अभिनेते गोविंद नामदेव आणि मुख्य समन्वयक ईश्वर धिरडे भानुमती गुजरणिया आदि उपस्थित होते.गडकरी यांनी पंजाब मधील घुमान गावाची आठवण करून दिली,जिथे संत नामदेव महाराजांनी आपला वेळ घालवला होता.त्यांनी तेथे झालेल्या अखिल भारतीय मराठी साहित्य परिषदेला उपस्थित राहण्याच्या त्यांच्या सौभाग्याची आठवण करून दिली.संत नामदेव महाराजांचे कार्यस्थळ असलेल्या नरसी गावापासून हिंगोलीपर्यंत रस्ता बांधण्याची संधी त्यांच्यासाठी वैयक्तिक होती असे त्यांनी विशेषतः नमूद केले.या महासम्मेलनला समस्त पोट जातीतील शिंपी समाजाचे,देशातील प्रत्येक राज्यातील समाज बांधव,पदाधिकारी आणि संत मंडळी,राजकीय प्रतिभावान समाजबंधू,उपस्थित होते.त्यांचे स्वागत संमेलनाचे अध्यक्ष भास्कर के. टोम्पे,मुख्य संयोजक ईश्वर धिरडे यांनी केले.या वेळी नाशिक मनसे नाशिक जिल्हाध्यक्ष अंकुश पवार,अरुण नेवासकर उपस्थित होते.महाराष्ट्र प्रदेश समस्त शिंपी समाज संस्थापक,अध्यक्ष प्रदीप जगताप यांनी कळवले आहे.