Get Sarees & More Under Rs 249 Only on Shopsy!*Shop Now!* दुरूस्तीसाठी महावितरण विभागाला निधी देणार • तात्काळ खड्डे बुजवा • मोबाईल सेवेला प्राधान्य द्या • बस फेऱ्या वाढवून प्रवाशांना सुविधा द्या सिंधुदुर्गनगरी दि.२१ :- गणेशोत्सव काळात जिल्ह्यात मोठ्या प्रमाणात चाकरमानी येतात. पावसामुळे शहरी व ग्रामीण भागातील रस्त्यांची दुर्दशा झाली आहे. त्यामुळे रस्त्यांची डागडूजी व दुरूस्तीची कामे तात्काळ पूर्ण करा. सणासुदीच्या दिवसांत वीजपुरवठा सुरळीत राहिल याची दक्षता घ्या. बीएसएनएल विभागाने कव्हरेज संदर्भात कोणतीही तक्रार येणार नाही याची काळजी घ्या. या दिवसांत बाहेर जिल्ह्यातून बसने येणाऱ्या प्रवाशांचे प्रमाण अधिक राहणार असल्याने परीवहन विभागाने तसे नियोजन करावे. गणेशोत्सव कालावधीत जिल्ह्यात येणाऱ्या भाविकांची कोणत्याही प्रकारची गैरसोय होऊ नये याची सर्व यंत्रणांनी काळजी घेण्याचे निर्देश पालकमंत्री नितेश राणे यांनी दिले. गणेशोत्सव आणि इतर सणांच्या अनुषंगाने पालकमंत्री नितेश राणे यांच्या अधक्षतेखाली विविध विभागांची आढावा बैठक पार पडली. यावेळी जिल्हाधिकारी अनिल प...

नाशिक,दि.२१:- (प्रतिनिधी समाधान शिरसाठ)नाशिक शहरातील द्वारका चौकात वाहतुकीची कोंडी सोडविण्यासाठी महाराष्ट्र राज्य पायाभूत सुविधा महामंडळाच्या वतीने अंडरपासची निर्मिती करण्यात येणार आहे. याबाबत राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांनी आज द्वारका सर्कल येथे अधिकाऱ्यांसमवेत पाहणी करत याठिकाणी विकसित करण्यात येणाऱ्या अंडरपासची माहिती घेत याठिकाणी करावायच्या विविध उपाययोजनांबाबत सबंधित अधिकाऱ्यांना सूचना केल्या. यावेळी महाराष्ट्र राज्य पायाभूत सुविधा महामंडळाचे कार्यकारी अभियंता इम्रान शेख,पोलीस उपायुक्त मोनिका राऊत, पोलीस उपायुक्त किरणकुमार चव्हाण, नाशिक महानगरपालिका वाहतूक सेलचे कार्यकारी अभियंता रवींद्र बागुल,राष्ट्रवादी कॉंग्रेस पार्टीचे प्रदेश सरचिटणीस दिलीप खैरे, जिल्हाध्यक्ष अँड.रवींद्र पगार, युवक शहराध्यक्ष अंबादास खैरे, समाधान जेजुरकर, आकाश पगार,पांडुरंग राऊत,अमर वझरे यांच्यासह अधिकारी व पदाधिकारी उपस्थित होते. द्वारका सर्कल नाशिकहून नाशिकरोड कडे जाताना ८०० मीटरचा अंडरपास तयार करण्यात येणार आहे. त्यामुळे या मार्गावरील हलकी वाहने ये जा करू शकणार...

‘जिल्हा नियोजन’मधून ४५८ कोटी रुपयांची तरतूद - पशुसंवर्धन मंत्री पंकजा मुंडे मुंबई,दि. 19 :- राज्यात ३५७ ठिकाणी पशुवैद्यकीय दवाखान्याला नवीन इमारती मिळणार आहेत. जिल्हा वार्षिक योजनेतून इमारत बांधकामासह दवाखान्याची दुरूस्ती, स्वच्छतागृह व उपकरण खरेदी यासाठी ४५८ कोटी ४१ लाख ३४ हजार रूपयांची तरतूद करण्यात आली असल्याची माहिती पशुसंवर्धन मंत्री पंकजा मुंडे यांनी दिली. पशुसंवर्धनाला कृषी व्यवसायाचा दर्जा देणारे देशातील पहिले राज्य करण्याचा निर्णय घेतल्यानंतर राज्यातील पशुवैद्यकीय दवाखान्याला नवीन इमारती देण्याचा निर्णय पशुसंवर्धन मंत्री पंकजा मुंडे यांनी घेतला आहे. या निर्णयामुळे राज्याच्या सात महसुली विभागातील ३४ जिल्ह्यात एकूण ३५७ ठिकाणी पशुवैद्यकीय दवाखान्याला नवीन इमारती मिळणार आहेत. नवीन इमारत बांधण्याकरिता २८७ कोटी ७६ लाख ४४ हजार तर दुरुस्तीसाठी १२१ कोटी ११ लाख ८२ हजार, स्वच्छतागृह साठी २५ कोटी १७ लाख २० हजार, विविध उपकरणे खरेदीसाठी २४ कोटी ३५ लाख ८८ हजार असा एकूण ४५८ कोटी ४१ लाख ३४ हजार रूपये निधी उपलब्ध करून देण्यात येणार आहे. सन २०२५-२६ या आर्थिक वर्षांत जिल्हा वार्षिक यो...

ॲड. साहिल ठाकरे यांनी केअर सेंटरमध्ये वाटप केले आरोग्य किट नाशिक  :-  हल्ली वाढदिवस म्हटला कि, शुभेच्छा संदेश देणारे मोठमोठे फलक चौकाचौकांत पहायला मिळतात. अलिशान हॉटेल, फार्महाउसमध्ये जंगी पार्ट्या करून वाढदिवसाचे सेलिब्रेशन केले जाते. परंतु या सर्व अवास्तव खर्चाला फाटा देत वाढदिवसाला वेगळी दिशा देण्याचे कार्य नाशिकमधील निष्णात वकील साहिल ठाकरे यांनी केले आहे. आपणही समाजाचं देणं लागतो, या उदात्त भावनेतून त्यांनी आपला वाढदिवस अत्यंत साध्या पद्धतीने साजरा करून समाजापुढे एक वेगळा आदर्श उभा केला आहे. सामाजिक, शैक्षणिक आणि राजकीय अशा वेगवेगळ्या क्षेत्रांत उल्लेखनीय कामगिरी करणारे, मराठा विद्या प्रसारक समाजाचे सरचिटणीस ॲड. नितीन बाबुराव ठाकरे यांचे चिरंजीव असलेले ॲड.साहिल ठाकरे यांनी त्यांच्या वाढदिवसानिमित्त एक आगळीवेगळी सामाजिक बांधिलकी जपल्याचे पहायला मिळाले. साहिल ठाकरे यांनी नाशिक येथील ‘दिलासा केअर सेंटर’ला भेट देत निराधार आजी-आजोबांसमवेत आपला वाढदिवस साजरा केला.सेंटरमधील निराधार आजी-आजोबांनी साहिल यांचे औक्षण केले आणि गुलाबपुष्प देऊन त्यांचा सत्कार केला.यावेळी साह...

मुंबई, दि. १८ :- मत्स्यव्यावसायिकांनी आधुनिक तंत्रज्ञानाचा वापर, इतर राज्यांतील यशस्वी प्रयोगांचा अभ्यास, तलावांमध्ये उत्पादन वाढवण्यासाठी नवीन पद्धती याकडे लक्ष द्यावे. गोड्या पाण्यातील मत्स्य उत्पादन व्यवसाय वाढीसाठी सहकार्य करण्यात येईल, असे मत्स्यव्यवसाय व बंदरे मंत्री नितेश राणे यांनी सांगितले.मंत्रालयात दिंडोरी व पेठ तालुक्यातील गोड्या पाण्यातील मासेमारीच्या समस्या व त्यावर उपाययोजना याबाबत आढावा बैठक झाली. या बैठकीत मत्स्य व्यवसाय विभागाचे आयुक्त किशोर तावडे, उपसचिव किशोर जकाते यांच्यासह विभागाचे वरिष्ठ अधिकारी तसेच दिंडोरी व चंदनपुरी येथील मत्स्य व्यावसायिक संस्थेचे प्रतिनिधी उपस्थित होते. मत्स्यव्यवसाय मंत्री नितेश राणे म्हणाले, यावर योजना राबवण्यासोबतच विभागाचा भर मत्स्य व्यवसायिकांचे आर्थिक सामर्थ्य वाढविणे आहे. विभागाच्या माध्यमातून सर्व आवश्यक सहकार्य करण्यात येईल, असे मंत्री नितेश राणे यांनी सांगितले.शर्व ईंनटरप्राईजेचे समीर पोतनीस यांनी बोटींची धडक टाळण्यासाठी भारतीय बनावटीचे शर्व एआयएस यंत्र बोटीवर बसविण्यासंदर्भात सादरीकरण केले.

‘मुख्यमंत्री वैद्यकीय सहायता निधी कक्ष’ गरजू रुग्णांसाठी मदतीचा हात ! नागरिकांच्या आरोग्याला सर्वोच्च प्राधान्य देताना राज्य सरकारने निरामयी महाराष्ट्रासाठी विविध योजना आणि उपक्रमांची प्रभावी व काटेकोर अंमलबजावणी सुरू केली आहे. समाजातील सर्वच घटकांना या योजनांच्या लाभाच्या परिघामध्ये सामावून घेण्याचे प्रामाणिक प्रयत्न राज्य सरकार करत आहे. मात्र आर्थिक दुर्बल घटकातील गरजू रुग्णांची बऱ्याचदा कुचंबणा होत असते. या पार्श्वभूमीवर मुख्यमंत्र्यांनी स्वतः पुढाकार घेऊन जाणिवेने सुरू केलेला एक महत्त्वाचा उपक्रम म्हणजे ‘मुख्यमंत्री वैद्यकीय सहाय्यता निधी’! 14 हजार रुग्णांना 128 कोटींची मदत ! खाजगी रुग्णालयांमध्ये उपलब्ध असलेल्या आधुनिक उपचार पद्धतीचा अवलंब करून गुंतागुंतीचे आजार असलेल्या रुग्णांना बरे केले जाते परंतु आर्थिकदृष्ट्या  दुर्बल घटकातील गरजू रुग्णांना ही महागडी उपचार पद्धती परवडत नाही, ही बाब लक्षात घेऊन मुख्यमंत्री देवेंद्र फडणवीस यांच्या नेतृत्वात ‘मुख्यमंत्री वैद्यकीय सहाय्यता निधी कक्ष’ स्थापन करण्यात आला. या माध्यमातून हृदयविकार, यकृत, हृदय व गुडघा प्रत...

सार्वजनिक बांधकाम विभागात भ्रष्टाचार करणाऱ्या आणि वरिष्ठ अधिकाऱ्याला मारहाण करणाऱ्या अधिकाऱ्यावर कडक कारवाई करणार - गृहराज्यमंत्री योगेश कदम  शिवसेना सहसंपर्कप्रमुख गणेश कदम यांनी वैभव घुगे यांची केली होती तक्रार नाशिक :- त्र्यंबकेश्वर सार्वजनिक बांधकाम विभाग क्रमांक २ मधील कनिष्ठ अभियंता वैभव घुगे यांच्या शेकडो कोटींच्या कथित भ्रष्टाचार आणि वरिष्ठ अधिकारी यांच्या मारहाणीच्या तक्रारींची दखल अखेर शासनाने घेतली आहे. गृह राज्यमंत्री योगेश कदम यांनी या प्रकरणाची एसआयटी चौकशी करण्याचे आश्वासन दिले असून लवकरच चौकशी समिती प्रत्यक्ष घटनास्थळी भेट देऊन तपास सुरू करणार आहे. या पार्श्वभूमीवर शिवसेना सह संपर्क प्रमुख गणेश कदम यांनी यापूर्वीच विशेष तपास पथक (SIT) नेमण्याची मागणी केली होती. त्यांनी सादर केलेल्या पुराव्यांसह तक्रारीमुळेच शासनाला या प्रकरणाकडे गांभीर्याने पाहावे लागले. नागरिकांच्या तक्रारी, विभागातील आर्थिक गैरव्यवहार,आणि पदाचा गैरवापर करून निर्माण झालेल्या भयाच्या वातावरणाचा सखोल तपास करण्याचा निर्णय घेण्यात आला आहे. ही चौकशी पारदर्शक व निष्पक्ष व्हावी यासाठी स्थानिक ...

सागरी वाहतूक, बंदर व्यवस्थापन आणि संलग्न क्षेत्रांत कुशल मनुष्यबळाकरिता नवीन अभ्यासक्रम ऑगस्टपासून सुरू होणार – कौशल्य विकास मंत्री मंगल प्रभात लोढा मुंबई, दि. १७ : सागरी वाहतूक, बंदर व्यवस्थापन आणि संलग्न क्षेत्रांत कुशल मनुष्यबळ आवश्यकता आहे हे लक्षात घेऊन या क्षेत्रातील कुशल मनुष्यबळ पुरविण्यासाठी कौशल्य विकास विभागाकडून सर्वतोपरी सहकार्य करण्यात येईल. मत्स्यक्षेत्रातील महत्त्वाच्या अभ्यासक्रमांचे प्रशिक्षण आयटीआय मार्फत ऑगस्ट महिन्यापासून सुरू करण्यात येईल, असे कौशल्य, रोजगार, उद्योजकता व नाविन्यता मंत्री मंगल प्रभात लोढा यांनी सांगितले. वाढवण आणि इतर बंदर प्राधिकरणांसाठी भविष्यकालीन कुशल मनुष्यबळासाठी लवकरात लवकर अभ्यासक्रम सुरू करावेत, अशी मागणी मत्स्यव्यवसाय व बंदरे मंत्री नितेश राणे यांनी बैठकीत केली. विधानभवन येथे वाढवण आणि इतर बंदर प्राधिकरणांसाठी भविष्यकालीन कुशल मनुष्यबळ तयार करण्यासाठी बैठक आयोजित करण्यात आली होती. या बैठकीला कौशल्य, रोजगार, उद्योजकता व नाविन्यता मंत्री मंगल प्रभात लोढा, मत्स्यव्यवसाय व बंदरे मंत्री नितेश राणे, कौशल्य, रोजगार, उद्योजकता व नाविन...

आगामी कुंभमेळ्यापूर्वी शिर्डी विमानतळावरील प्रस्तावित कामे पूर्ण करावीत – मुख्यमंत्री देवेंद्र फडणवीस शिर्डी व पुरंदर विमानतळाच्या कामाचा आढावा मुंबई, दि. 17 : आगामी काळात होणाऱ्या नाशिक-त्र्यंबकेश्वर कुंभमेळ्याच्या दृष्टीने शिर्डी विमानतळ हे महत्त्वाचे विमानतळ असणार आहे. त्यामुळे हे विमानतळ पूर्ण क्षमतेने सुरू करण्यासाठी नूतनीकरण व विस्तारीकरणाची कामे तातडीने पूर्ण करावीत, असे निर्देश मुख्यमंत्री देवेंद्र फडणवीस यांनी आज येथे दिले. शिर्डी व पुरंदर विमानतळाच्या कामाचा आढावा आज श्री. फडणवीस यांच्या अध्यक्षतेखालील विधानभवनातील बैठकीत घेण्यात आला. यावेळी उपमुख्यमंत्री अजित पवार, जलसंपदा मंत्री राधाकृष्ण विखे पाटील, परिवहन विभागाचे अपर मुख्य सचिव संजय सेठी, महाराष्ट्र औद्योगिक विकास महामंडळाचे मुख्य कार्यकारी अधिकारी पी वेलरासू, पुणे विभागीय आयुक्त डॉ. चंद्रकांत पुलकुंडवार, जिल्हाधिकारी जितेंद्र डुडी, अहिल्यानगरचे जिल्हाधिकारी डॉ. पंकज आशिया, महाराष्ट्र विमानतळ विकास प्राधिकरणचे उपाध्यक्ष तथा व्यवस्थापकीय संचालक स्वाती पांडे,...

मुंबई, दि. १७ : ऊर्जा विभागाने वीज निर्मिती व खर्च याबाबत योग्य नियोजन केले तर ग्राहकांना माफक दरात वीज वितरण करणे शक्य होणार आहे. सबसिडीसाठी लागणारे अनुदान लवकरात लवकर वितरीत करावेत, असे निर्देश मुख्यमंत्री देवेंद्र फडणवीस यांनी वित्त विभागाला दिले. विधानभवन येथे ऊर्जा विभागाच्या आढावा बैठकीत मुख्यमंत्री देवेंद्र फडणवीस बोलत होते. या बैठकीला अपारंपरिक ऊर्जा मंत्री अतुल सावे, ऊर्जा राज्यमंत्री मेघना बोर्डीकर, वित्त विभागाचे अपर मुख्य सचिव ओ.पी.गुप्ता, अपर मुख्य सचिव ऊर्जा आभा शुक्ला, मुख्यमंत्र्यांच्या प्रधान सचिव अश्विनी भिडे, प्रधान सचिव (वित्त) सौरभ विजय, मुख्यमंत्र्यांचे सचिव डॉ.श्रीकर परदेशी, सचिव (सुधारणा) ए.शैला, महावितरणचे व्यवस्थापकीय संचालक लोकेश चंद्रा, महापारेषणचे व्यवस्थापकीय संचालक डॉ. संजीव कुमार, महानिर्मितीचे व्यवस्थापकीय संचालक डॉ राधाकृष्णन बी., महाऊर्जा विकास संस्थेचे महासंचालक ओमप्रकाश बकोरिया यांच्यासह अधिकारी उपस्थित होते. मुख्यमंत्री देवेंद्र फडणवीस म्हणाले की, ऊर्जा विभागातंर्गत योजना राबविण्यासाठी वित्त विभागाकडे मागणी केलेल्या सविस्तर प्रस्तावात...

मुंबई, दि. १७ : महाराष्ट्र राज्य मार्ग परिवहन महामंडळाच्या (रा.प. महामंडळ) बसेसमधून प्रवास करणाऱ्या पत्रकारांना दिल्या जाणाऱ्या सवलतीत लवकरच सुधारणा केली जाणार आहे. तसेच काही नवीन सवलती लागू करण्याचा प्रस्तावही शासन पातळीवर विचाराधीन असून, याबाबत लवकरच निर्णय होणार असल्याचे परिवहन मंत्री प्रताप सरनाईक यांनी सांगितले.विधान भवनात मंत्रालय आणि विधिमंडळ वार्ताहर संघ पदाधिकाऱ्यांसोबत अधिस्वीकृती संदर्भातील बैठकीत ते बोलत होते. यावेळी पत्रकार संघटनेचे अध्यक्ष दिलीप सपाटे आणि पदाधिकारी उपस्थित होते.सद्यस्थितीत अधिस्वीकृतीधारक पत्रकारांना साध्या, निमआराम व शिवशाही (आसनी/शयनयान) बसप्रकारामध्ये १००% प्रवास भाड्याची सवलत मिळते. मात्र, या सवलतीवर ८,००० किमीची मर्यादा आहे. ही मर्यादा रद्द करण्याची मागणी वारंवार होत असून, ती मंजूर करण्याबाबत सकारात्मक विचार सुरू असल्याचे परिवहन मंत्री सरनाईक यांनी स्पष्ट केले. तसेच पत्रकारांना एसटीच्या सर्व बसेस मधून मोफत प्रवास करण्याची सवलत अनुज्ञेय करावी असे मागणी मुख्यमंत्री यांच्याकडे केली असल्याचे परिवहन मंत्री सरनाईक यांनी सांगितले. यामुळे पत्रक...

इमारतीच्या आराखड्याचे सादरीकरण मुंबई, दि. १६: नागपूरमधील विधानभवनच्या इमारतीचे विस्तारीकरण व प्रस्तावित नव्या प्रशासकीय इमारतीच्या आराखड्याचे आज सादरीकरण करण्यात आले. विस्तारीकरण व प्रस्तावित इमारतीचे काम भव्यदिव्य असे व्हावे, असे विधानसभा अध्यक्ष ॲड. राहूल नार्वेकर यांनी यावेळी सांगितले. यावेळी विधानपरिषदेचे सभापती प्रा. राम शिंदे, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, संसदीय कार्य मंत्री चंद्रकांत (दादा) पाटील, सार्वजनिक बांधकाम मंत्री शिवेंद्रसिंह भोसले आदी उपस्थित होते. वास्तुविशारद हाफिज कॉन्ट्रॅक्टर यांनी आराखड्याचे सादरीकरण केले. नागपूरमधील सध्या अस्तित्वात असलेल्या विधानसभेच्या जागेवर नवीन सात मजल्याचे संकुल उभारण्यात येणार असून हे विस्तारीकरण करताना सध्याच्या इमारतीची ऐतिहासिक शैली अबाधित राहिल, याची काळजी घेण्यात येणार आहे. विस्तारीकरणामध्ये एकाच इमारतीत सेंट्रल हॉल, विधानसभा, विधानपरिषद सभागृह, मुख्यमंत्री, उपमुख्यमंत्री, विधानसभा अध्यक्ष, विधानपरिषद सभापती, विरोधी पक्ष नेते यांचे दालन आदी असणार आहेत. तर शेजा...

सागरी शिखर परिषद २०२५ ला उत्स्फूर्त प्रतिसाद मुंबई, दि. १६ : वाढवण बंदराच्या उभारणीमुळे महाराष्ट्र आणि भारत सागरी महासत्ता होण्याच्या दिशेने वेगाने वाटचाल करीत असून, हा प्रकल्प केवळ बंदर नव्हे तर एक आर्थिक क्रांती घडवून आणणारा केंद्रबिंदू ठरेल, असा विश्वास मुख्यमंत्री देवेंद्र फडणवीस यांनी व्यक्त केला. राज्य शासनाच्या मत्स्य व्यवसाय व बंदरे विभाग आणि महाराष्ट्र सागरी मंडळाच्या वतीने आयोजित सागरी शिखर परिषद २०२५ चे उद्घाटन मुख्यमंत्री देवेंद्र फडणवीस यांच्या हस्ते करण्यात आले. कार्यक्रमास मत्स्य व्यवसाय व बंदरे विकास मंत्री नितेश राणे, परिवहन व बंदरे विकास विभागाचे अपर मुख्य सचिव संजय सेठी, पर्यटन विभागाचे प्रधान सचिव अतुल पाटणे, उद्योग विभागाचे सचिव पी अन्बलगन, महाराष्ट्र सागरी मंडळाचे मुख्य कार्यकारी अधिकारी प्रदीप पी., जवाहरलाल नेहरू पोर्ट अथॉरिटीचे अध्यक्ष उमेश वाघ आदी उपस्थित होते.‘भारत मेरीटाईम व्हिजन २०३०’ आणि ‘अमृतकाल मेरीटाईम व्हिजन २०४७’ मध्ये महाराष्ट्राचा सहभागकेंद्र सरकारच्या मेरीटाईम व्हिजनचा उल्लेख करत मुख्यमंत्री फडणवीस म्हणाले की, भविष्यात भारत हा जागतिक सप्...

मुंबई, दि. १६ :- शैक्षणिक वर्ष २०२५-२६ करीता महाडीबीटी प्रणालीवरून नवीन तसेच नुतनीकरण मॅट्रीकोत्तर शिष्यवृत्ती योजनेसाठी अर्जाची ऑनलाईन स्वीकृती १ जुलै २०२५ पासून सुरू झाली आहे. मुंबई उपनगर अधिनस्त सर्व महाविद्यालयांनी नोंदणीकृत अर्ज तत्काळ ऑनलाईन मंजूर करावेत, असे आवाहन मुंबई उपनगरचे सहायक आयुक्त रवीकिरण पाटील यांनी केले आहे. दरवर्षीप्रमाणे, नोंदणीकृत झालेल्या अर्जांपैकी नूतनीकरण झालेल्या अर्जांचे प्रमाण नवीन अर्जांच्या तुलनेत जास्त असते. त्यामुळे सर्व महाविद्यालयांनी प्रथम प्राधान्याने नूतनीकरण अर्जांची पडताळणी करून ते ऑनलाईन मंजूर करावेत व मुंबई उपनगरचे सहाय्यक आयुक्त यांच्या लॉगिनवर तत्काळ पाठवावेत.त्याचबरोबर भारत सरकार मॅट्रीकोत्तर शिष्यवृत्ती योजना तसेच शिक्षण शुल्क परीक्षा शुल्क प्रतीपूर्ती योजनेच्या लाभापासून अनुसूचित जाती या प्रवर्गातील विद्यार्थी वंचित राहणार नाहीत, याची दक्षता महाविद्यालयांच्या प्राचार्यांनी घ्यावी, असेही प्रसिद्धीपत्रकात नमूद केले आहे.

धुळे महापालिकेच्या विविध प्रकल्पांबाबत विधानभवनात बैठक मुंबई, दि. १६ : धुळे शहराच्या वाढत्या लोकसंख्येनुसार नागरी सुविधा आणि उद्योग विस्तारासाठी लॉजिस्टिक हब (ड्राय पोर्ट व स्टोरेजसाठी विशेष टर्मिनल) उभारणे अत्यावश्यक आहे. यासाठी तांत्रिक, आर्थिक व लॉजिस्टिक दृष्टीने व्यवहार्यता तपासावी व तज्ज्ञांच्या सल्ल्यानुसार हब उभारण्याच्या कार्यवाहीस गती द्यावी, असे निर्देश मुख्यमंत्री देवेंद्र फडणवीस यांनी दिले.धुळे महापालिकेच्या विविध प्रकल्पांबाबत विधानभवन येथे झालेल्या बैठकीत ते बोलत होते. यावेळी महसूल मंत्री चंद्रशेखर बावनकुळे, वनमंत्री गणेश नाईक, आमदार अनुप अग्रवाल, अपर मुख्य सचिव असिम गुप्ता, नगरविकास विभागाचे प्रधान सचिव डॉ. के. एच. गोविंदराज, ऊर्जा विभागाच्या अतिरिक्त मुख्य सचिव आभा शुक्ला, महाराष्ट्र औद्योगिक विकास महामंडळाचे मुख्य कार्यकारी अधिकारी पी. वेलरासू, धुळे जिल्हाधिकारी भाग्यश्री विसपुते (दूरदृश्य प्रणालीद्वारे), महापालिका आयुक्त अमिता दगडे-पाटील आदी उपस्थित होते. मुख्यमंत्री फडणवीस म्हणाले की, धुळे येथे उद्योगांना आवश्यक सुविधा उपलब्ध करून द्याव्यात. तसेच देवपूर,...

नाशिक :- लायन्स क्लब ऑफ पिंपळगाव बसवंततर्फे डॉक्टर, शेतकरी आणि चार्टर्ड अकाउंटंट दिन मोठ्या उत्साहात हॉटेल देवी इंटरनॅशनल, नाशिक* येथे साजरा करण्यात आला.समाजाच्या आरोग्य, शेती आणि आर्थिक व्यवस्थेतील योगदानासाठी या तीन क्षेत्रांतील मान्यवरांचा सन्मान करण्यात आला. कार्यक्रमात १० डॉक्टर्स, १० प्रगतशील शेतकरी आणि १० चार्टर्ड अकाउंटंट्स यांचा सन्मानचिन्ह, प्रमाणपत्र व पुष्पगुच्छ देऊन गौरव करण्यात आला. हा सोहळा टाळ्यांच्या गजरात आणि प्रेरणादायी वातावरणात पार पडला. प्रसिद्ध हृदयरोगतज्ज्ञ डॉ. सूर्यवंशी, यांनी आरोग्य सजगतेबाबत मार्गदर्शन केले.सीए रोहित राठी यांनी तरुण उद्योजकतेतील संधी व कर साक्षरतेबाबत विचार मांडले. कृषीतज्ज्ञ भूषण निकम यांनी जैविक शेती आणि ब्रँडिंगबाबत माहिती दिली, तसेच जिल्हा आरोग्य अधिकारी डॉ. चैतन्य बैरागी यांनी सरकारी आरोग्य योजनांवर मार्गदर्शन केले.कार्यक्रमाचे संयोजन पिंपळगाव बसवंत क्लबचे अध्यक्ष लायन संदीप हिरे, झोन चेअरमन लायन राजेंद्र कोठावदे, उपाध्यक्ष व संयोजक लायन महेंद्र शेवाळे, सचिव लायन रविराज पाटील, खजिनदार लायन ज्ञानेश्वर लामबे, माजी झोन चेअरमन ला...

AXIS CREDIT CARD APPLY महाराष्ट्र देशातले सर्वात मोठे इलेक्ट्रिक वाहन उत्पादन क्षमता असलेले राज्य ठरणार- मुख्यमंत्री देवेंद्र फडणवीस यांचा विश्वास. मुख्यमंत्र्यांच्या हस्ते टेस्ला शो रूमचे उद्घाटन; भारतात टेस्लाची अधिकृत एंट्री मुंबई, दि.१५ जुलै, २०२५:महाराष्ट्र देशातले सर्वात मोठे इलेक्ट्रिक वाहन उत्पादन क्षमता असलेले राज्य ठरेल, असा विश्वास मुख्यमंत्री देवेंद्र फडणवीस यांनी टेस्ला एक्सपीरियन्स सेंटरच्या उद्घाटनप्रसंगी व्यक्त केला. जगप्रसिद्ध इलेक्ट्रिक कार निर्माता टेस्लाने भारतीय बाजारात प्रवेश केला आहे. मुंबईत त्यांच्या पहिल्या एक्सपीरियन्स सेंटरचे उद्घाटन मुख्यमंत्री देवेंद्र फडणवीस यांच्या हस्ते झाले. यावेळी परिवहन मंत्री प्रताप सरनाईक, मुख्यमंत्री यांचे विशेष कार्यकारी अधिकारी कौस्तुभ धवसे व टेस्ला कंपनीचे प्रतिनिधी उपस्थित होते. मुख्यमंत्री फडणवीस म्हणाले, महाराष्ट्रासाठी आणि विशेषतः मुंबईसाठी ही आनंदाची गोष्ट आहे, की जगातील सर्वात स्मार्ट कार भारतात येत आहे. याची सुरुवात महाराष्ट्रातून होते असून केंद्राच्या माध्यमातून टेस्लाने भारतात आपली सुरुवात करत असल्याची अध...

ना.रोड :- "विद्यार्थी सशक्तीकरण सोहळा" विद्यार्थ्यांचा सर्वांगीण विकास करण्याच्या हेतूने,असंख्य नागरीक, विद्यार्थ्यांच्या उपस्थितीत ॐ साई लॉन्स, सिन्नर फाटा, नाशिक रोड येथे पार पाडला या सोहळ्यास मार्गदर्शन अखिल भारतीय भ्रष्टाचार निर्मूलन समितीचे राष्ट्रीय सरचिटणीस,अमोल भागवत,यांनी केले,आयोजन मानवाधिकार संघटनेचे नाशिक शहर अध्यक्ष अविनाश वाघ, दिपक वाघ, नगरसेवक हरिश भडांगे,यांनी केले.आर्टिलरी चे कर्नल मच्छिंद्र सिरसाट,जयरामभाई हॉस्पिटल चे प्रमुख डॉ. सुनील जाधव, मनपा नगरसेवक हरिशभाऊ भडांगे, मनपा नगरसेविका जयश्रीताई खर्जुल, मनसे महिला शहराध्यक्ष अक्षरा घोडके, भाजपा नेते, मा. नगरसेवक मधुसूदन गायकवाड, शिवसेनेच्या रोहिणी वाघ, हभप, साक्षी पळसकर, शिवसेना नेते योगेश भोर, विशाल कलेक्शन संचालक मयूर गणोरे, निर्भीड ज्योत संचालिका आशा कर्डक मोरे,शिवसेना जिल्हा उपाध्यक्ष मंगेश करंजकर, शिवसेनेचे नितीन खर्जुल, अस्मिता देशमाने, भाजपच्या सुषमा गोराणे, स्वराज्य पक्ष महिला उपाध्यक्ष रेखा जाधव, मनसे उपतालुकाध्यक्ष कैलास भोर, दिपक वाघ, रवी वाघमारे, अनिल मोरे, यांची प्रमुख उपस्थितीत लाभली....

आजच्या गतिमान आणि स्पर्धात्मक युगात युवकांना केवळ शैक्षणिक पदव्या असून चालत नाही, तर उद्योग क्षेत्रात त्वरित रोजगार मिळवण्यासाठी त्यांच्याकडे व्यावसायिक कौशल्य आणि प्रत्यक्ष कामाचा अनुभव असणे तितकेच महत्त्वाचे ठरते. या पार्श्वभूमीवर वर्क इंटिग्रेटेड लर्निंग प्रोग्राम (WILP) ही संकल्पना अत्यंत उपयुक्त व परिणामकारक ठरत आहे. WILP म्हणजे शिक्षण आणि प्रत्यक्ष उद्योगातील कामाचा अनुभव यांचा समन्वय. या कार्यक्रमांतर्गत विद्यार्थी शिक्षण घेत असतानाच उद्योगांमध्ये काम करून प्रत्यक्ष अनुभव मिळवतात. यामुळे विद्यार्थी अधिक सक्षम, आत्मविश्वासी आणि रोजगारक्षम बनतात. उद्योगांनाही प्रशिक्षित मनुष्यबळ सहज उपलब्ध होते, जे त्यांच्या कामासाठी तत्पर आणि तयार असते. 15 जुलै – वर्ल्ड स्किल डे ही जागतिक युवा कौशल्यांच्या सन्मानाची आणि जागरूकतेची दिनविशेष आहे. या दिवसाचे औचित्य साधून आपण WILP सारख्या उपक्रमांचे महत्त्व अधोरेखित केले पाहिजे, जे केवळ कौशल्याभिवृद्धीस नव्हे तर रोजगार निर्मितीस आणि आत्मनिर्भर भारताच्या दिशेने टाकलेले एक महत्त्वाचे पाऊल ठरते. WILP ही संकल्पना नव्या भारतातील शिक्षण व उद्यो...

मुंबई, दि. १४ : छत्रपती संभाजीनगर येथील विद्यादीप बालगृहात घडलेल्या अनुचित प्रकाराच्या पार्श्वभूमीवर राज्यातील सर्व बालगृहांमध्ये अतिदक्षता बाळगून भविष्यात असे प्रकार टाळण्यासाठी विशेष यंत्रणा राबविण्याच्या दृष्टीने शासन कार्यरत असल्याची माहिती विधान परिषदेच्या उपसभापती डॉ. नीलम गोऱ्हे यांनी आज विधानभवन येथे झालेल्या बैठकीत दिली. या बैठकीत महिला व बालविकास मंत्री आदिती तटकरे, आमदार चित्रा वाघ, श्रीकांत भारतीय, प्रज्ञा सातव, आयुक्त नयना गुंडे, सहायुक्त राहुल मोरे आदींसह संबंधित अधिकारी उपस्थित होते.उपसभापती डॉ. गोऱ्हे म्हणाल्या की, अनुचित प्रकार टाळण्यासाठी प्रभावी धोरण तयार करणे आवश्यक आहे. मुलींचा शैक्षणिक दर्जा, कौशल्यविकास आणि जीवनमूल्ये वाढवण्यासाठी विशेष कार्यक्रम राबविणे गरजेचे आहे. बालगृहास प्रत्यक्ष भेटी देऊन तसेच लोकप्रतिनिधी आणि विभागामध्ये चर्चा करून यासंदर्भात कार्यवाही करणे गरजेचे असल्याचे यावेळी त्यांनी सांगितले.मंत्री आदिती तटकरे म्हणाल्या की, छत्रपती संभाजीनगरच्या विद्यादीप बालगृहाची नोंदणी रद्द करण्यात आली आहे. बालगृहातील मुलींच्या समस्या समजून घेण्यासाठी व...

कपात आणि सवलतीचे बोगस दावे करणाऱ्यांवर प्राप्तिकर विभागाकडून कारवाई नवी दिल्ली :- प्राप्तिकर विभागाने देशभरात एक व्यापक पडताळणी मोहीम सुरू केली असून, यामध्ये अशा व्यक्ती आणि संस्थांना लक्ष्य करण्यात आले आहे ज्यांनी प्राप्तिकर विवरणपत्रांमध्ये (ITR) बनावट सूट आणि सवलतींचे दावे केले होते. ही कारवाई प्राप्तिकर अधिनियम, 1961 अंतर्गत लाभदायक तरतुदींचा गैरवापर करणाऱ्यांच्या तपशीलवार विश्लेषणानंतर करण्यात आली आहे. बऱ्याचदा अशा प्रकरणांमध्ये व्यावसायिक मध्यस्थांची संगनमताची भूमिका असते. चौकशीत असे उघड झाले आहे की ITR तयार करणारे काही एजंट आणि मध्यस्थ एक संघटित रॅकेट चालवत आहेत, जे बनावट कपात आणि सवलतींचा दावा करत विवरणपत्रे भरत आहेत. या बनावट दावा प्रक्रियेत खोट्या TDS विवरणपत्रांचा वापर करून अतिरिक्त परताव्यांची मागणी केली जाते. संशयास्पद नमुन्यांची(पॅटर्न्सची) ओळख पटवण्यासाठी, प्राप्तिकर विभागाने त्रयस्थ-पक्षांकडून प्राप्त आर्थिक माहिती, प्रत्यक्षातील गोपनीय माहिती, तसेच प्रगत कृत्रिम बुद्धिमत्ता उपकरणांचा वापर केला आहे. या निष्कर्षांची महाराष्ट्र, तामिळनाडू, दिल्ली, गुजरात, पं...

छत्रपती संभाजीनगर दि.१४:- विभागीय आयुक्त जितेंद्र पापळकर यांनी छत्रपती संभाजीनगर विभागातील स्थानिक स्वराज्य संस्थांच्या निवडणूक तयारीचा जिल्हानिहाय आढावा घेतला. स्थानिक स्वराज्य संस्थांच्या निवडणूकीत मतदान केंद्राची संख्या निश्चित करताना काळजीपूर्वक निश्चित करा, असे निर्देश त्यांनी दिले. विभागीय आयुक्त कार्यालयात आयोजित बैठकीला अपर आयुक्त डॉ. अनंत गव्हाणे, नगरविकास विभागाचे सह आयुक्त देविदास टेकाळे, सहायक आयुक्त संजय केदार तसेच दूरदृश्य प्रणालीद्वारे विभागातील सर्व जिल्हाधिकारी तसेच जिल्हा परिषदेचे मुख्य कार्यकारी अधिकारी यांच्यासह नगरप्रशासन विभागाचे अधिकारी उपस्थित होते. बैठकीदरम्यान विभागीय आयुक्त पापळकर यांनी जिल्हानिहाय स्थानिक स्वराज्य संस्थांच्या निवडणूक तयारीबाबत माहिती जाणून घेतली. मतदार संख्या, इलेक्ट्रॉनिक व्होटिंग मशीन (ईव्हीएम), मतदान केंद्रांची व्यवस्था आणि इतर अनुषंगिक तयारी मतदान केंद्रांची रचना आणि निवडणूक प्रक्रियेच्या तयारी, मतदान केंद्रांवर पाणी, वीज, स्वच्छतागृहे यासारख्या मूलभूत सुविधा, ईव्हीएम सुरक्षितता आदी तयारीचा आढावा घेत जिल्हाधिकारी व जिल्हा पर...

बनावट खतांविरोधात राज्यांनी कठोर पावले उचलावीत केंद्रीय कृषी मंत्री शिवराज सिंह चौहान यांचे सर्व मुख्यमंत्र्यांना पत्र नवी दिल्ली, दि.१४ : देशभरात बनावट आणि निकृष्ट दर्जाच्या खतांच्या विक्रीबाबत वाढती चिंता व्यक्त करत केंद्रीय कृषी व शेतकरी कल्याण तसेच ग्रामीण विकास मंत्री शिवराज सिंह चौहान यांनी सर्व राज्ये आणि केंद्रशासित प्रदेशांच्या मुख्यमंत्र्यांना पत्र लिहून कठोर कारवाईचे निर्देश दिले आहेत. शेतकऱ्यांचे नुकसान टाळण्यासाठी आणि त्यांना गुणवत्तापूर्ण खते वेळेवर व योग्य दरात उपलब्ध करून देण्यासाठी हे पाऊल उचलण्यात आले आहे. केंद्रीय मंत्री चौहान यांनी आपल्या पत्रात नमूद केले आहे की, कृषी ही भारतीय अर्थव्यवस्थेचा कणा आहे आणि शेतकऱ्यांचे उत्पन्न स्थिर ठेवण्यासाठी दर्जेदार खतांची वेळेवर उपलब्धता अत्यावश्यक आहे. त्यांनी बनावट खतांची विक्री, अनुदानावरील खतांचा काळाबाजार आणि जबरदस्तीने टॅगिंग करण्यासारख्या बेकायदा प्रकारांवर कठोर कारवाई करण्याची गरज अधोरेखित केली आहे. पत्रात पुढे म्हटले आहे की, खतांची उपलब्धता सुनिश्चित करणे ही राज्यांची जबाबदारी असून, काळा बाजार, जादा किमतीत विक...

प्रवासी सुरक्षा वाढविण्यासाठी रेल्वे डब्यांमध्ये सीसीटीव्ही कॅमेरे बसवले जाणार मुंबई :- प्रवासी डब्यांमध्ये सीसीटीव्ही कॅमेरे प्रायोगिक स्वरूपात बसवण्यात आल्यावर त्याचे सकारात्मक परिणाम पाहता, भारतीय रेल्वेने सर्व डब्यांमध्ये सीसीटीव्ही कॅमेरे बसवण्याचा निर्णय घेतला आहे. या उपक्रमामुळे प्रवाशांच्या सुरक्षेत लक्षणीय वाढ होईल. असामाजिक तत्वे आणि संघटित टोळ्या निष्पाप प्रवाशांचा गैरफायदा घेतात, म्हणूनच सीसीटीव्ही कॅमेर्‍यांमुळे अशा घटनांमध्ये मोठी घट होईल. तसेच प्रवाशांच्या गोपनीयतेचा विचार ठेवून, हे कॅमेरे डब्यांच्या दरवाज्याजवळील सार्वजनिक वावरण्याच्या भागामध्ये बसवले जाणार आहेत.रेल्वेमंत्री अश्विनी वैष्णव आणि रेल्वे राज्यमंत्री रवनीत सिंह बिट्टू यांनी रेल्वेच्या इंजिन आणि डब्यांमध्ये सीसीटीव्ही कॅमेरे बसवण्याच्या कामाचा आढावा घेतला. शनिवारी12 जुलै रोजी झालेल्या या बैठकीला रेल्वे बोर्डाचे वरिष्ठ अधिकारी उपस्थित होते.360 अंश संपूर्ण छायांकन रेल्वे अधिकाऱ्यांनी सांगितले की, “उत्तर रेल्वेच्या इंजिन आणि डब्यांमध्ये यशस्वी चाचण्या पार पडल्या आहेत. रेल्वेमंत्री यांनी 74,000 डब्यां...

अंबड पोलिसांची उत्कृष्ट कामगिरी  चैन स्नॅचिंग करणारा आरोपी जेरबंद; दोन गुन्हे उघड, सुमारे २ लाख ९ हजार रुपयांचा मुद्देमाल हस्तगत नाशिक :- अंबड पोलीस ठाणे गुन्हे शोध पथकाने चैन स्नॅचिंग करणाऱ्या आरोपीस ताब्यात घेत त्याच्याकडून दोन गुन्हे उघडकीस आणण्यात यश मिळवले आहे. या कारवाईत सुमारे २,०९,०००/- रुपयांचा मुद्देमाल हस्तगत करण्यात आला आहे. पोलीस आयुक्त संदीप कर्णिक, नाशिक शहर, पोलीस उप आयुक्त (परिमंडळ २)  किशोर काळे तसेच सहायक पोलीस आयुक्त शेखर देशमुख, यांच्या सूचनांनुसार व मार्गदर्शनाखाली अंबड पोलीस ठाण्याचे वरिष्ठ पोलीस निरीक्षक मधुकर कड, यांच्या मार्गदर्शनाखाली ही कारवाई करण्यात आली.या प्रकरणातील आरोपीताचे नाव आदित्य एकनाथसोनवणे, (वय २५ वर्षे, व्यवसाय खाजगी नोकरी, रा.आजिंक्यतारा हॉटेल मागे, सरदवाडी रोड, झापवाडी, ता. सिन्नर, जि. नाशिक) असे आहे. त्याने अंबड पोलीस ठाणे हद्दीत दोन ठिकाणी चैन स्नॅचिंग केल्याची कबुली दिली आहे. दिनांक १९ जून २०२५ रोजी सायंकाळी ९.३० वाजता फिर्यादी मिनाक्षी पंकज पिंगळे (वय ४० वर्षे, व्यवसाय गृहिणी, रा. निलांजन अपार्टमेंट, माऊली लॉन्स, डी.जी...

महाराष्ट्रात देशातील सर्वोत्तम सायबर न्यायसहायक प्रयोगशाळा मुख्यमंत्र्यांच्या हस्ते प्रादेशिक न्यायसहायक वैज्ञानिक प्रयोगशाळेच्या इमारतीचे भूमिपूजन नागपूर, दि. १३:- महाराष्ट्रात देशातील सर्वात अत्याधुनिक सायबर न्यायसहायक वैज्ञानिक व्यवस्था निर्माण करण्यात आली आहे. आधुनिक सायबर प्रयोगशाळांसह मोबाईल न्यायसहायक वैज्ञानिक प्रयोगशाळा उभारल्या जात आहेत. तंत्रज्ञान, सायबर आणि फसवणुकीचे वाढते गुन्हे लक्षात घेता येत्या काळात लोकाभिमुख व ब्लॉकचेन पद्धतीचा अवलंब करुन न्यायसहायक वैज्ञानिक प्रयोगशाळांची व्यवस्था अधिक मजबूत करण्यात येईल, असे प्रतिपादन मुख्यमंत्री तथा गृहमंत्री देवेंद्र फडणवीस यांनी आज येथे केले. येथील धंतोली परिसरात प्रादेशिक न्यायसहायक वैज्ञानिक प्रयोगशाळेच्या नवीन प्रशासकीय इमारतीचे भूमिपूजन आणि गृह विभागाच्या तीन नवीन प्रकल्पांचे ऑनलाईन लोकार्पण मुख्यमंत्री देवेंद्र फडणवीस यांच्या हस्ते झाले. त्यावेळी ते बोलत होते. गृह (ग्रामीण) राज्यमंत्री डॉ. पंकज भोयर, खासदार श्यामकुमार बर्वे, आमदार संदीप जोशी आणि संजय मेश्राम, महासंचालक (न्यायिक व तांत्रिक) संजय वर्मा, महाराष्ट्र ...

युवकांना स्वयंरोजगाराकरिता राज्य शासनाच्यावतीने सर्वोतोपरी सहकार्य-मंत्री मंगलप्रभात लोढा पुणे, दि.१३ : राज्यातील युवकांना रोजगार उपलब्ध करुन त्यांचे भविष्य घडविणे राज्य शासनाची जबाबदारी असून स्वयंरोजगाराकरिता युवकांना राज्य शासनाच्यावतीने सर्वोतोपरी सहकार्य करण्यात येईल, असे प्रतिपादन कौशल्य, रोजगार, उद्योजकता व नाविन्यता विभागाचे मंत्री मंगलप्रभात लोढा यांनी केले. कौशल्य, रोजगार, उद्योजकता व नाविन्यता विभाग, पुणे पोलीस आयुक्तालय आणि हरीभाई व्ही देसाई कॉलेज कला विज्ञान व वाणिज्य महाविद्यालय यांच्या संयुक्त विद्यमाने हरीभाई व्ही देसाई कला विज्ञान व वाणिज्य महाविद्यालय येथे आयोजित ‘पंडीत दीनदयाळ उपाध्याय रोजगार मेळाव्या प्रसंगी ते बोलत होते. यावेळी जिल्हा कौशल्य विकास, रोजगार, उद्योजकता व नाविन्यता विभागाच्या उपायुक्त अनुपमा पवार, सहायक आयुक्त सागर मोहिते, पोलीस सहायक आयुक्त सरदार पाटील, हरीभाई व्ही देसाई कला विज्ञान व वाणिज्य महाविद्यालयाचे उपाध्यक्ष जनक शहा, सचिव हेमंत मणियार, सहसचिव दिलीप जगड यांच्यासह विविध कंपन्याचे प्रतिनिधी, विद्यार्थी उपस्थित होते. लोढा म्हणाले, पंडी...