घरपट्टी पाणीपट्टीचे इंडेक्स क्रमांक बंद करण्याचे फेक मॅसेज प्रकरणी सायबर पोलीस ठाण्यात गुन्हा दाखल

PRASIDDHI PRAMUKH (प्रतिनिधी समाधान शिरसाठ)

नाशिक :- महानगरपालिकेच्या घरपट्टी व पाणीपट्टीचे इंडेक्स क्रमांक बंद करण्याचे फेक मेसेज पाठवणाऱ्यान विरोधात सायबर पोलीस ठाण्यात गुन्हा नोंदवण्यात आला आहे.नाशिक शहरातील रहिवाशांना आपली घरपट्टी व पाणीपट्टी अनुक्रमांक अद्यावत नाहीत ते अद्यावत करण्यासाठी संपर्क क्रमांकावर संपर्क करावा अशा आशयाचे मेसेज फेक भ्रमणध्वनी क्रमांक 6297019792 व 6005481746 यावरून जात आहेत.अश्या स्वरूपाचे कोणतेही मेसेज नाशिक महानगरपालिकेच्या वतीने पाठविले जात नाहीत.अश्या प्रकारचे मेसेज प्राप्त झाल्यास त्याकडे दुर्लक्ष करावे असे आवाहन मनपा आयुक्त मनीषा खत्री यांनी केले आहे.ज्या दोन फेक क्रमांकावरून मेसेज जात होते ते दोन्ही क्रमांक पोलीस खात्याच्या सायबर विभागाने बंद केलेले आहेत.फेक मेसेज प्रकरणी सायबर पोलिस ठाण्यात गुन्हा नोंदवण्यात आला आहे.नाशिक शहरातील नागरिकांनी पाणीपट्टी व घरपट्टीबाबतच्या अफवा पसरवणाऱ्या मेसेज कडे दुर्लक्ष करावे व त्यास कुठलाही प्रतिसाद देऊ नये असे आवाहन मनपा आयुक्त मनीषा खत्री यांच्या वतीने करण्यात आले आहे.याप्रकरणी नाशिक महानगरपालिका उपायुक्त कर विभाग अजित निकत यांनी माहिती दिली.